Եմենի մայրաքաղաք Սանայի ուղղությամբ ԱՄՆ-ի ավիահարվածներից առնվազն 12 մարդ է զոհվել, հայտնել է «Ալ Արաբիա» հեռուստաալիքը:
Նշվում է 30 վիրավորի մասին։ Հուսիթների տվյալներով՝ Սանայից բացի, ամերիկացի զինվորականները հարվածներ են հասցրել նաև Մարիբ, Ամրան, Հոդեյդա և Սաադա նահանգներին:
Ապրիլի 18-ին ԱՄՆ ԶՈւ կենտրոնական հրամանատարությունը հայտնել էր, որ հարվածներ են հասցվել Եմենի ՌԱՍ Իսա նավթային նավահանգստին, ինչի հետևանքով այն ոչնչացել էր։
2025-ի մարտի 18-ին հուսիթները հրթիռային հարված էին հասցրել իսրայելական Նևատիմ ավիաբազային։
Մերձավոր Արևելքի տարածաշրջանում իրադրությունն ավելի էր սրվել 2024-ի հուլիսի 30-ից` Թեհրանում պաղեստինյան ՀԱՄԱՍ խմբավորման առաջնորդ Իսմայիլ Հանիայի սպանությունից և Բեյրութի ուղղությամբ իսրայելական ավիահարվածի հետևանքով «Հեզբոլլահի» բարձրաստիճան հրամանատար Ֆուադ Շուքերի զոհվելուց հետո: Հանիայի մահից հետո Գազայի հատվածում, ուր դեռևս շարունակվում են ռազմական հարվածները, պաղեստինյան շարժման առաջնորդ Յահյա Սինվարը նշանակվել էր ՀԱՄԱՍ-ի քաղբյուրոյի ղեկավար։
