Հայաստանը ներկայացնող ազգությամբ ռուս թենիսիստուհի Ալինա Չարաևան կարիերայի առաջին հաղթանակն է տոնել WTA մրցաշարերի հիմնական ցանցում։
Ռումինիայում ընթացող UniCredit Iasi Open մրցաշարի առաջին շրջանում Չարաևան ընդամենը մեկ գեյմ է զիջել անդորրացի թենիսիստուհի Վիկտորիա Խիմենես Կասինցևային՝ հաղթելով 6-0, 6-1 հաշվով։
Սա Չարաևայի առաջին մրցաշարն է, որտեղ մարզուհին հանդես է գալիս Հայաստանի դրոշի ներքո։
Չարաևան հուլիսին փոխել էր մարզական քաղաքացիությունը և այժմ ներկայացնում է Հայաստանը միջազգային մրցաշարերում։
2024 թվականի օգոստոսին WTA-ն հայտնել էր, որ 21-ամյա թենիսիստուհի Էլինա Ավանեսյանը մարզական քաղաքացիությունը ռուսականից փոխել է հայկականի։ Օգոստոսին թենիսիստուհին հայկական անձնագիր էր ստացել Իսպանիայում Հայաստանի դեսպանատանը։
