«Ուժեղ Հայաստան» կուսակցությունների դաշինքի պատգամավորի թեկնածուին վերագրվող վարույթով ձերբակալվածներ կան։
Կոմիտեն ձայնագրություն է հրապարակել, ուր, ՀԿԿ-ի վարկածով, շոշափվում է թեկնածուի՝ Ա․Ա-ի անունը։ ՀԿԿ-ն թեկնածուին մեղադրում է Լոռու մարզի մի շարք բնակիչների ընտրակաշառք տալու ենթադրյալ դեպքերի մեջ։
Կոմիտեից հավելել են, որ նախաձեռնված քրեական վարույթի շրջանակում կատարվել են խուզարկություններ և վարութային այլ գործողություններ։
Մարտի 30-ից իրավապահ մարմինները հրապարակում են նյութեր, որոնցում դաշինքի ներկայացուցիչները մեղադրվում են բարեգործության մասին օրենքը ենթադրյալ խախտելու, կաշառք տալու և խոստանալու մեջ։ Քաղաքական ուժի ներկայացուցչի խոսքով՝ ձերբակալվածների և բերման ենթարկվածների թիվը գերազանցել է 300-ը։
«Ուժեղ Հայաստան» դաշինքում հերքում են մեղադրանքները՝ կատարվածն անվանելով քաղաքական հալածանք։ Դաշինքում հայտարարում են, որ գործում են օրենքի շրջանակներում և ընտրակաշառք չեն կիրառում։
Կարդացեք նաև՝
Սև PR ու Պանդորայի արկղ․ Հակոբյանը կանխատեսել է ընտրարշավի ամենաթեժ փուլը
Ընտրողը փնտրում է «ուժեղ ձեռք», որը թույլ չի տա ՀՀ-ի խաթրին կպնել․ Աթանեսյան
