Երևանում ոստիկանները ջրանցքից դուրս են բերել խեղդվող կնոջ, սակայն չեն կարողացել փրկել նրա հետ գտնվող տղամարդուն, հայտնում է Shamshyan.com-ը։
Դեպքը տեղի է ունեցել Արցախի երրորդ նրբանցքի հարակից ջրատարում։ Առավոտյան՝ մոտավորապես ժամը 06:00-ին, ջերմաէլեկտրակայանի տարածքում ծառայություն իրականացնող ոստիկանության աշխատակիցները լսել են օգնության կանչեր և վազել են այդ ուղղությամբ։
Կայքի տվյալներով՝ տղամարդուն գտնելու որոնողական-փրկարարական աշխատանքներն իրականացվում են երեք ուղղություններով։ «Ջրառ» ընկերությունը ժամանակավորապես փակել է ջրի հոսքը ջրատարի մի հատվածում՝ փրկարարների և ջրասուզակների աշխատանքը հեշտացնելու համար։
