«Սև ուրբաթը» Հայաստանում․ ինչ գնել և որտեղ փնտրել լավագույն առաջարկները

«Սև ուրբաթն» աշխարհում այս տարի սկսվում է նոյեմբերի 28-ի գիշերը, երբ ցուցափեղկերը լցվում են զեղչերի մասին խոստումներով, աչք ծակող «-40%» նշաններով։ Արդեն կեսգիշերին շատ խանութներ սկսում են իրենց ակցիաները, և յուրաքանչյուրը սահմանում է իր կանոնները։ Կան երկրներ, որտեղ, այսպես ասած, զեղչերի տոնը տևում է ընդամենը մի քանի օր, իսկ որոշումներում շահավետ գնումների հնարավորություն է լինում մի ամբողջ ամիս:

Մեծ զեղչերի ժամանակ հատկապես կարևոր է հիշել ամենագլխավորը՝ Ձեր և Ձեր իրական կարիքների մասին։ Մասնագետները խորհուրդ են տալիս ընտրություն կատարել ոչ թե հանկարծակի և պահի ազդեցության տակ, այլ ուշադրություն դարձնել այն իրերին, որոնք իրականում անհրաժեշտ են և կարող են դառնալ Ձեր առօրյայի մասը։

«Սև ուրբաթից» առաջ Armenia Today-ը հավաքել է Հայաստանի բնակիչների համար հասանելի ամենանշանավոր առաջարկները՝ բանկերի հատուկ ակցիաները, առևտրի կենտրոնների առաջարկները և ավիափոխադրողների շահավետ պայմանները․ ամեն ինչ, ինչ կարող է նոյեմբերյան գնումները դարձնել ավելի գիտակցված և հաճելի։

Կրթություն և առողջություն. ներդրումներ, որոնք միշտ արդարացնում են

Coursera-ն հայտարարել է 40% զեղչ ավելի քան 10 000 դասընթացի համար՝ թվային մասնագիտություններից մինչև հումանիտար ուղղություններ։

edX կրթական հարթակն առաջարկում է աշխարհի առաջատար համալսարանների դասընթացներ՝ 20% զեղչով:

reArmenia-ն քայլ է անում դեպի նրանց, ովքեր վաղուց ցանկանում էին տիրապետել նեյրոցանցերին և սովորել աշխատել արհեստական բանականության հետ։ Հայերեն դասընթացները հասանելի են 50% զեղչով:

Skillbox.am-ն առաջարկում է մինչև 60% զեղչ գրեթե 300 ծրագրի համար՝ դիզայն, ՏՏ, մենեջմենթ, մարքեթինգ և ավելի քան 140 ուղղություն: Կատարյալ պահ է՝ վերջապես անցնելու հենց այն դասընթացը, որը դուք հետաձգել եք ամբողջ տարվա ընթացքում:

Яндекс Практикум-ը նույնպես միացել է «Սև ուրբաթին» և առաջարկում է մինչև 20% զեղչ իր կրթական ծրագրերի համար: Հարթակն ունի հարյուրավոր դասընթացներ, որոնք օգնում են փոխել մասնագիտությունը կամ ուժեղացնել հմտություններն ամենապահանջված ոլորտներում։

Բոլոր նրանց համար, ովքեր մտադիր են ձմեռը նվիրել մարմնին և հավասարակշռությանը, «Սև ուրբաթը» պատրաստել է շահավետ առաջարկներ սպորտային ակումբներից: Reebok Sports сlub-ը հայտարարել է աբոնեմենտներ գնելու հատուկ պայմանների մասին, իսկ Gold’s Gym Armenia-ն առաջարկում է նաև զեղչեր և բոնուսներ նոր և գործող հաճախորդների համար: Էսթետիկ բժշկության կենտրոնների մեծ մասում նույնպես այս օրերին այցելուներին սպասվում են զեղչեր, բոնուսներ և փոքր անակնկալներ։

«Սև ուրբաթ» ընթերցասերներին. 30%-90% լավագույն հրատարակությունների համար

Litres.ru-ն առաջարկում է մինչև 90% զեղչ էլեկտրոնային գրքերի և աուդիոգրքերի համար։ Երևանում ընթերցողներին սպասվում է մինչև 30% զեղչ Zangak խանութում և 20% զեղչ Arevik հրատարակչության ամբողջ տեսականու համար: Newmag հրատարակչությունը հայտարարել է 50% զեղչ բոլոր գրքերի համար, որը գործելու է 50 ժամ․ նոյեմբերի 28-ի ժամը 08:00-ից մինչև նոյեմբերի 30-ի ժամը 10:00-ն: Իսկ նրանց համար, ովքեր նախընտրում են լսել, աուդիոգրքերը հասանելի են հայկական ամենասիրելի հավելվածներից մեկում՝ Karapp-ում։

Առցանց գնումներ եվրոպական, ամերիկյան և ռուսական խանութներում մինչև 70% զեղչով

Առցանց գնումների սիրահարների համար զեղչեր են առաջարկում ամերիկյան, եվրոպական և ռուսական առցանց խանութները: Քիմ Քարդաշյանի skims ապրանքանիշն արդեն հայտարարել է մոտ 30% զեղչ՝ սպիտակեղենի և ներքնազգեստի համար։ Կոսմետիկայի ցանկացած գնման դեպքում Estée Lauder-ը և Bobbi Brown-ն իջեցրել են արտադրանքի գները 30%-վ։ Estée Lauder-ն առաջարկում է 9 ապրանքատեսակի հավաքածու, որոնց արժեքը 652-ից իջել է 90 դոլար, Bobbi Brown-ը 5 ապրանքատեսակի համար սահմանել է 90 դոլար արժեք։ Մինչև 70% զեղչ է սպասվում Amazon.com, Ozon.ru, Wildberries и Aliexpress առցանց հարթակներում։

Ավիափոխադրումներ 20% զեղչով

Լոուքոսթեր WizzAir-ը առաջարկում է նոյեմբերի 26-28-ն ավիատոմսեր գնել 30% զեղչով 2026 թվականի հունվարի 12-ից մարտի 26-ի ուղևորությունների համար: Aegean-ը հայտարարել է տոմսերի հատուկ վաճառքի մասին առանձին Black Friday էջում: Lufthansa-ն առաջարկում է բարենպաստ գներ հունվարի 12-ից մայիսի 31-ի թռիչքների համար։ Аэрофлот-ը, բացի տոմսերի զեղչերից, նաև առաջարկում է թողարկել «Աէրոֆլոտ բոնուս» ծրագրի գործընկեր բանկի համատեղ քարտը և խոստանում է կրկնապատկել հաշվարկված մղոնների քանակը մինչև 2026 թվականի հունվարի 30-ը:

Բանկերն առաջարկում են բոնուսներ, ապառիկ և խաղարկություններ

AmeriaBank-ն առաջարկում է իր քարտապաններին 3 կամ 6 ամսվա ընթացքում ձեռք բերել տեխնիկա, կահույք, շինանյութ և ավելին առանց ապառիկ տոկոսադրույքի։ Բանկի կայքում հրապարակվել է 356 գործընկեր խանութների ցանկ:

AcbaBank-ը խաղարկելու է ուղևորություն դեպի Փարիզի Դիսնեյլենդ և Վիեննա: Բանկն առաջարկում է Visa քարտապաններին նոյեմբերի 27-ից փետրվարի 27-ը կատարել առնվազն հինգ գնում՝ յուրաքանչյուրը 15 000 դրամից սկսած և մասնակցել դեպի Փարիզ խաղարկությանը: Բանկը նաև խաղարկում է ուղևորություն դեպի Ավստրիա և Վիեննայի օպերայի տոմսեր այն հաճախորդների համար, ովքեր մինչև դեկտեմբերի 10-ն American Express գոլդ քարտով կատարել են 10 մլն դրամի գնումներ: Բանկը հիշեցնում է անվտանգության կանոնները․ չտրամադրել ստուգման համար նախատեսված SMS, CVV և PIN կոդերն անծանոթներին և արգելափակել քարտը չնչին կասկածի դեպքում:

IDBank-ն առաջարկում է խնայել բոնուսներ-idcoin, որով կարող եք վճարել գնումների մի մասը: Նոյեմբերի 28-ից դեկտեմբերի 1-ը Visa քարտով գնումներ կատարելով՝ հաճախորդները կստանան մինչև 1,5% idcoin, իսկ կախված քարտի տեսակից՝ մինչև 0,5% հավելյալ idcoin. Մեկ idcoin-ը հավասար է մեկ դրամի։

Առևտրի կենտրոնները կխաղարկեն ուղևորություններ, մեքենաներ և նվեր քարտեր

Dalma Mall, Yerevan Mall, Rio Mall-ում հայտարարվել են խաղարկությունների և զեղչերի ծրագրեր։ Առևտրի կենտրոնները նաև հիշեցրել են հավելվածների միջոցով գնումներ կատարելու հնարավորության մասին։

Dalma Mall-ը նոյեմբերի 28-30-ն ընկած ժամանակահատվածում 50 000 դրամի գնում կատարած այցելուների շրջանում խաղարկելու է 17 մլն արժողության HONGQI էլեկտրամոբիլ և 1000 այլ նվեր։ 18:30-21:30-ն սպասվում է երաժշտություն, հյուրասիրություններ Eywa-ից և Sorriso-ից:

RIO Mall-ը բաց կլինի մինչև նոյեմբերի 27-30-ը՝ ժամը 23:00-ն, և կվիճարկի արժեքավոր մրցանակներ այն գնորդների շրջանում, որոնց գնումները կգերազանցեն 30 000 դրամը: Յուրաքանչյուր գնորդ կստանա նվերներ և նվեր քարտեր տարբեր ապրանքանիշերից (Adidas, SELA, COOL CLUB, Gian Franco Ferry, Elis, Joma, SALI, Pierre Carden, US POLO ASSN, Cole Haan, Match, Ispace, Global Beauty, Queen Lingerie, Giordano, Janeh), նաև Tashir ARENA-ի և Cinema Star-ի հրավերներ։

Yerevan Mall-ը խաղարկելու է ուղևորություն դեպի Աբու Դաբի երկու անձի համար, երեք նվեր քարտ 500, 100 և 20 հազար դրամի չափով գնումներ կատարած գնորդների համար։ Կարող եք շահել նաև մրցանակներ Zara, Zara Home, Bershka, Pull&Bear, Stradivarius, Mango և այլ բրենդներից։

Երևանի սրտում՝ Հյուսիսային պողոտայում գտնվող Tashir Street Shopping Gallery-ում, նույնպես հայտարարվել է 90% մեծ զեղչ՝ առևտրի կենտրոնի խանութներում։

Black Friday-ի ավանդույթը եկել է ԱՄՆ-ից, որտեղ այն սկսվում է Thanksgiving-ի հաջորդ օրը՝ այն պահից, երբ մարդիկ ամփոփում են տարին, շնորհակալություն հայտնում միմյանց։ Անվանումը կապված է in the black արտահայտության հետ, որը նշանակում է շահույթով ունենալ։ Ժամանակի ընթացքում այդ օրը դարձել է ոչ միայն զեղչերի օր, այլ shopping-ի ավանդույթ։

Հայաստանում «Սև ուրբաթը» տարածվել է համեմատաբար վերջերս, բայց արդեն հասցրել է դառնալ աշնան ավարտի կարևոր հատվածներից մեկն այն շրջանում, երբ մարդիկ ուզում են իրենց մի փոքր ուրախացնել։

Հաճելի գնումներ։

Կարդացեք նաև՝