Կամչատկայի երկրամասում այսօր՝ Մոսկվայի ժամանակով մոտավորապես ժամը 11:31-ին և 11:34-ին (տեղական ժամանակով՝ 20:31 և 20:34) գրանցվել է 3 բալանոց 5,5 մագնիտուդով երկու երկրաշարժ, հայտնել է Ռուսաստանի գիտությունների ակադեմիայի (ՌԳԱ) միասնական երկրաֆիզիկական ծառայության Կամչատկայի մասնաճյուղը, գրում է ՏԱՍՍ գործակալությունը։
Նշվում է, որ տասը րոպե անց գրանցվել է ևս մեկ հետցնցում՝ 5 մագնիտուդ ուժգնությամբ։
Երկրաշարժերից հետո վերջին մի քանի ժամվա ընթացքում հետցնցումներ գրանցվել են մոտավորապես յուրաքանչյուր 10-15 րոպեն մեկ, դրանց հաճախականությունը դեռ չի նվազել։
Ռուսաստանի Կամչատկայի երկրամասում հուլիսի 30-ի առավոտյան տեղի էր ունեցել 8,7 մագնիտուդ ուժգնությամբ երկրաշարժ, ինչի հետևանքով Հյուսիսային Կուրիլսկի ափամերձ գոտում ցունամի էր գրանցվել, բնակիչները տարհանվել էին վտանգավոր գոտուց։
Ըստ շրջանի ղեկավարության՝ ամենաուժեղը ցունամիի երրորդ ալիքն էր, որը լուրջ վնասներ էր հասցրել։ Տագնապ էր հայտարարվել նաև Ճապոնիայի և ԱՄՆ ափամերձ որոշ հատվածներում:
Կարդացեք նաև
«Տարհանումից հետո վերադարձա ծնարան և շարունակեցի ծնունդ ընդունել». երկրաշարժի պահին ծնունդ ընդունած հայ բժշկի հարցազրույցն Armenia Today-ին
