Փետրվարի 3-ից սկսած՝ սկսած հասարակական տրանսպորտի դեմ բոյկոտը ստանում է մեծ ծավալներ, ակցիային կմիանան ուսանողները, աշխատողները», – հայտարարել է Երևանի նախկին քաղաքապետ, «Նոր ուժ» կուսակցության նախագահ Հայկ Մարությանը։
Նա հավելել է, որ բոյկոտի ձևաչափը մնում է նույնը՝ հրաժարվել 150 դրամ վճարելուց։
«Վճարում ենք 100 դրամ։ Եթե բոլորս, ժողովրդի մեծամասնությունը պահանջի երթևեկել 100 դրամով, ապա իշխանություններն այլ տարբերակ չեն ունենա», – հայտարարել է Մարությանը։
Փետրվարի 1-ին և 2-ին Երևանում բողոքի ակցիա է ընթացել՝ տրանսպորտի թանկացման դեմ։ Ակցիայի նախաձեռնողներն են Մարությանը և ընդդիմադիր «Մայր Հայաստան» դաշինքի ղեկավար Անդրանիկ Թևանյանը։ Նրանք դեմ են մայրաքաղաքի ավագանու հունվարի 31-ի որոշմանը` փետրվարի 1-ից հասարակական տրանսպորտով մեկ ուղևորության համար 150 դրամ սակագին սահմանելու մասին։ Ավելի վաղ ակցիային միացել էին նաև ԱԺ «Հայաստան» խմբակցության պատգամավորներ Գառնիկ Դանիելյանը, Քրիստինե Վարդանյանը և Թադևոս Ավետիսյանը։
