Փենսիլվանիայում հուլիսի 13-ին նախընտրական հանրահավաքի ժամանակ ԱՄՆ նախագահի թեկնածու Դոնալդ Թրամփի դեմ իրականացված մահափորձի պահին մի քանի տեսակի զենք է գործարկվել, եզրակացրել են դատաբժշկական փորձագետները, հաղորդել է CNN-ը։
Ըստ այդ տվյալների՝ առաջին երեք կրակոցն արձակվել է մի տեսակի զենքից, հաջորդ հինգը՝ երկրորդից։ Վերջին կրակոցը, որը կոչվում է «ակուստիկ զարկերակ», արձակվել է երրորդ տեսակի զենքից։ Հեռուստաալիքը չի հստակեցնում, թե ինչ զենքի մասին է խոսքը։
Քրեագետները նաև ենթադրել են, որ նախկին նախագահի վրա կրակած ամերիկացի Թոմաս Մեթյու Քրուքսը գտնվել է ամբիոնից մոտ 100 մետր հեռավորության վրա, որտեղ ելույթ է ունեցել Թրամփը։
Թրամփի դեմ մահափորձի արդյունքում գնդակներից մեկը դիպել էր Թրամփի ականջին, միջոցառման երկու մասնակից վիրավորվել էր, մեկը՝ զոհվել։ Իրավապահնարի կարծիքով՝ հարձակումն իրականացրել է 20-ամյա Թոմաս Մեթյու Քրուքսը։ Կասկածյալին սպանել են Գաղտնի ծառայության գործակալները։
