Հնդկաստանը դիտարկում է Կովկասում իր ռազմավարական դաշնակցին՝ Հայաստանին ռազմական տեխնիկայի նոր խմբաքանակ մատակարարելու հնարավորությունը, գրում է Economic Times-ը՝ հղում անելով իր աղբյուրներին։
Ըստ հրապարակման՝ վերջերս Նյու Դելի է այցելել հայ բարձրաստիճան պաշտոնյան և բանակցություններ վարել այդ կապակցությամբ։
Նոր մատակարարումների մանրամասները դեռևս անհայտ են, սակայն զենքի նոր խմբաքանակը կարող է ներառել սարքավորումներ, որոնք կօգնեն զսպող գործոն ստեղծել Հայաստանի և Ադրբեջանի միջև հակամարտության համատեքստում, գրում է հրատարակությունը՝ վկայակոչելով հայաստանյան աղբյուրներին։
Նշվում է նաև, որ Հնդկաստանը նախկինում հաջողությամբ մատակարարել է Հայաստանին զենքի առաջին խմբաքանակը։ Ըստ կայքի՝ առաքումները կատարվել են Իրանի տարածքով, բեռնափոխադրման մեջ եղել են Pinaka MLRS, հակատանկային հրթիռներ և զինամթերք։
Ավելի վաղ հայտնի էր դարձել, որ Հնդկաստանն օգոստոսին Հայաստան է մատակարարել 155 մմ տրամաչափի ATAGS հրետանային առաջին վեց համակարգերը։ Առաքումները կատարվել են Հայաստանին 155,5 մլն դոլար ընդհանուր արժողությամբ 90 միավոր ATAGS մատակարարելու պատվերի շրջանակում։
Նաև 2022 թվականի սեպտեմբերի վերջին Հնդկաստանը և Հայաստանը պայմանագիր էին ստորագրել հայկական կողմին մոտ 244 միլիոն դոլարի զենք մատակարարելու մասին: Զեկուցվել է, որ պատվերը ներառում է հնդկական արտադրության Pinaka MLRS-ի առաջին արտահանումը:
