Հունիսի 23-ին՝ ժամը 19։30-ին, Կոմիտասի անվան կամերային երաժշտության տանը կկայանա միջազգայնորեն ճանաչված, բազմաթիվ մրցույթների դափնեկիր, դասական դաշնակահար և ջազ կոմպոզիտոր Ջոել Ա. Մարտինի մենահամերգը:
Կհնչեն Կոմիտասի, այլ հայ կմպոզիտորների ստեղծագործությունների, ինչպես նաև հայկական ժողովրդական երգերի ջազային մշակումներ:
Մշակումները՝ Ջոել Ա. Մարտինի:
Նշենք, որ Ջոել Ա. Մարտինի «Jazzical Komitas-Passion of Fire» ձայնասկավառակը 2022-2023 թթ.. «Գրեմմի» մրցանակի՝ լավագույն համաշխարհային երաժշտության համար անվանակարգում առաջադրվելու և հաղթանակի ճանապարհին է: Երաժիշտը Կոմիտասի երաժշտության մեծ սիրահար է։
