«Հայաստան» դաշինքը ԱԺ-ի մանդատները կվերցնի հերթականության սկզբունքով՝ բացի դաշինքի ղեկավար Ռոբերտ Քոչարյանից, Armenia Today-ին հայտնեց դաշինքի պատգամավորի թեկնածու Ագնեսա Խամոյանը։
Նա հաստատեց, որ ցուցակի 13-րդ համար Մեսրոպ Մանուկյանը կդառնա պատգամավոր, քանի որ Քոչարյանը հրաժարվել է իր մանդատից։
Խամոյանը չի պարզաբանել, թե ինչու է նախկին նախագահը նման որոշում կայացրել։
Կենտրոնական ընտրական հանձնաժողովի վերջնական արդյունքներով՝ հունիսի 7-ին տեղի ունեցած ընտրություններին 18 քաղաքական ուժից ԱԺ է անցել «Քաղաքացիական պայմանագիրը» (64 մանդատ), «Ուժեղ Հայաստանը» (29 մանդատ), «Հայաստան» կուսակցությունների դաշինքը (12 մանդատ):
Հուլիսի 4-ին Սահմանադրական դատարանը մերժել էր ընտրությունների արդյունքներն անվավեր ճանաչելու մասին դիմումները։ ՍԴ դիմած 7 քաղաքական ուժից 5-ը հայտարարել էր համատեղ գործողությունների և միասնական քաղաքական օրակարգ ձևավորելու մասին։
