ԱՄԷ-ի և Իրանի ազգային անվտանգության բարձրաստիճան պաշտոնյաները առաջին անգամ անձնական հանդիպում են անցկացրել Իրանի դեմ ԱՄՆ-Իսրայելական ռազմական գործողության սկսվելուց հետո, հայտնում է Bloomberg-ը՝ հղում անելով աղբյուրներին։
Գործակալության տվյալներով՝ հանդիպումը տեղի է ունեցել այս շաբաթ և «նշանավորել է կտրուկ շրջադարձ երկու կողմերի համար՝ երկկողմ հարաբերությունների ավելի հանգիստ լինելու կարևորության աճող գիտակցության ֆոնին»։ Միջոցառման նախաձեռնությունը հիմնականումԱբու Դաբիից էր, որը «ձգտում է լիցքաթափման» Թեհրանի հետ։
Ըստ գործակալության՝՝ ԱՄԷ-ն ներկայումս կենտրոնացած է իր տնտեսությանը և անվտանգությանը հասցված վնասը նվազագույնի հասցնելու վրա, ինչը կտրուկ հակադրություն է Աբու Դաբիի ռազմատենչ դիրքորոշմանը հակամարտության սկզբում։
ԱՄՆ-ն և Իսրայելն սկսել էին հարվածներ հասցնել Իրանին փետրվարի 28-ին։ ԶԼՄ-ները մայիսի վերջին հայտնել էին, որ ԱՄՆ-ն ու Իրանը մոտ են 60-օրյա հրադադարի համաձայնագիր կնքելուն։ Այս ֆոնին, սակայն, ԱՄՆ-ն և Իրանը շարունակել են հարվածներով փոխանակվել։ Հունիսի 9-ին Թրամփը հայտարարել էր, որ Միացյալ Նահանգներն առաջիկա երկու շաբաթվա ընթացքում կհայտարարի Իրանի նկատմամբ «լիակատար հաղթանակի» մասին և կկնքի վերջնական գործարք։
