Իրանը հրթիռներ է արձակել Մերձավոր Արևելքում տեղակայված ամերիկյան ռազմաբազաների ուղղությամբ, հայտնում է Axios-ը՝ հղում անելով իր աղբյուրներին:
Կայքի տվյալներով՝ վեց հրթիռ արձակվել է Կատարի, մեկը՝ Իրաքի ուղղությամբ։
Ինչպես փոխանցում է Reuters-ը՝ վկայակոչելով իրանական ԶԼՄ-ներին, Թեհրանը հրթիռային գործողություն է սկսել Իրաքում ևԿատարում ամերիկյան բազաների դեմ:
Իրանի ԶՈւ-ն հայտարարել է Կատարում ԱՄՆ-ի Ալ-Ուդեյդ ռազմակայանին հրթիռային հարված հասցնելու մասին։ Գործակալության տեղեկություններով՝ Կատարի մայրաքաղաք Դոհայում պայթյունների ձայներ են հնչել։
Ավելի վաղ Կատարը հայտարարել էր անվտանգության ապահովման համար իր օդային տարածքը ժամանակավորապես փակելու մասին:
ԱՄՆ-ն հունիսի 22-ի գիշերը հարվածներ էր հասցրել Իրանի երեք միջուկային օբյեկտի։ Հունիսի 13-ից իսրայելցի զինվորականները գործողություններ են իրականացնում Իրանի դեմ՝ հարվածներ հասցնելով այդ թվում երկրի միջուկային օբյեկտներին, ինչին ի պատասխան՝ Իսրայելը ևս հարվածներ է իրականացրել:
