Իսպանիայի կառավարության ղեկավար Պեդրո Սանչեսը հայտարարել է, որ իր կնոջ՝ Բեգոնիա Գոմեսի նկատմամբ դատարանի կողմից ընտրված խափանման միջոցներն «անցնում են ողջամտության բոլոր սահմանները», տեղեկացնում է ՏԱՍՍ-ը։
Հունիսի 20-ին դատավոր Խուան Կառլոս Պեյնադոն Գոմեսի նկատմամբ որպես խափանման միջոց էր կիրառել երկրից բացակայելու արգելքը։ Խորհրդարանի ստորին պալատում՝ Կոնգրեսում ելույթ ունենալով, վարչապետը հիշեցրել է, որ գործի քննությունն իրականացվել է դատախազության դիրքորոշմանը հակառակ։
Սանչեսի խոսքով՝ իր կնոջ նկատմամբ կիրառված խափանման միջոցներն «անցնում են ողջամտության բոլոր սահմանները»։
Գործը սկսվել էր 2024 թվականին։ Գոմեսին մեղադրում են յուրացման, ազդեցության չարաշահման, ապօրինի հարստացման և բիզնես ոլորտում կոռուպցիայի մեջ։
Դատախազությունը միջնորդել էր գործի փակմանը և հայտարարել, որ կպահանջի արդարացման դատավճիռ, եթե դատարանը որոշի դատավարություն սկսել։ Մինչդեռ ծայրահեղ աջ Hazte Oír կազմակերպությունը, որը հայց էր ներկայացրել Գոմեսի դեմ, պահանջում է նրան դատապարտել 24 տարվա ազատազրկման։
