Ինչպես ամեն տարի, այս Ամանորի նախաշեմին ևս երկրի ղեկավարը հանդես է գալու տոնական ուղերձով: Այդ ուղերձներում սովորաբար ամփոփվում է նախորդ տարին, խոսվում է ձեռքբերումների ու խնդիրների մասին, ինչպես նաև նշմարվում են հաջորդ տարվա անելիքները։
2023-ին վարչապետ Նիկոլ Փաշինյանի ուղերձի առանցքում խաղաղությունն էր, 2024-ին՝ հարևանների հետ հարաբերությունները, 2025-ին նա խոսել էր սահմանազատման, «Իրական Հայաստանի» տեսլականի մասին:
Փաշինյանի ուղերձների նկատմամբ հանրային վերաբերմունքն ու հետաքրքրությունը միանշանակ չեն. ոմանք հետևում են՝ այն դիտարկելով որպես քաղաքական ու հասարակական ուղերձ, մյուսներն անտարբեր են կամ նախընտրում են Ամանորը դիմավորել առանց քաղաքական խոսքերի։
Armenia Today-ը հարցում է իրականացրել մայրաքաղաքում՝ քաղաքացիներից հետաքրքրվելով՝ դիտելո՞ւ են արդյոք Փաշինյանի ամանորյա ուղերձը, թե՞ ոչ, և ի՞նչ սպասումներ ունեն։
Հարցվածների մեծամասնությունը նշել է, որ կորցրել է հավատը գործող վարչապետի խոսքերի նկատմամբ:
Ոմանք էլ ասել են, որ իրենց ընդհանրապես քաղաքականությունը չի հետաքրքրում:
Կային նաև քաղաքացիներ, ովքեր պատրաստվում էին լսել Փաշինյանի ուղերձը: Նրանք նշում էին՝ 2026-ից սպասելիքները շատ են:
Մանրամասն՝ տեսանյութում:
