Ադրբեջանում ընթանում են համատեղ հատուկ նշանակության զորքերի զորավարժություններ, որոնց մասնակցում են Ադրբեջանի զինված ուժերի հատուկ նշանակության և Միացյալ Արաբական Էմիրությունների զինված ուժերի գվարդիայի հատուկ գործողությունների հրամանատարության զորքերը։
Ադրբեջանական լրատվամիջոցների փոխանցմամբ՝ վարժանքների հիմնական նպատակն է «ընդլայնել երկու երկրների հատուկ նշանակության զորքերի միջև համագործակցությունը և կատարելագործել նրանց գործնական հմտությունները»։
Նշվում է, որ զորավարժությանը կներգրավեն զրահատեխնիկա, բանակային ավիացիա և անօդաչու թռչող սարքեր։ Մասնակից ստորաբաժանումները կկատարեն «մարտական ուսումնասիրություններ, որոնք ներառում են կրակային պատրաստություն, օդադեսանտային հարձակում, դիպուկահարային գործողություններ, թշնամու թիրախների վնասազերծում և բնակեցված տարածքները թշնամու ուժերից մաքրում»։
