Համայն Վրաստանի կաթողիկոս-պատրիարք Իլիա II-ը մահացել է 93 տարեկան հասակում, հայտնում է Sputnik Грузия-ն։
Մինչև նոր առաջնորդի ընտրությունը, Պատրիարքական գահի տեղապահ, եպիսկոպոս Շիո Մուջիրին կղեկավարի Վրաց ուղղափառ եկեղեցին։
Վրաց եկեղեցու պատրիարքը (աշխարհիկ անունը՝ Իրակլի Շիոլաշվիլի) ծնվել է 1933 թվականին։ Աստվածաբանական կրթություն ստանալուց հետո, այդ թվում՝ Մոսկվայի աստվածաբանական ակադեմիայում, նա իր կյանքը նվիրել է եկեղեցուն ծառայելուն։ 1950-ական և 1960-ական թվականներին հոգևորականից բարձրացել է մինչև եպիսկոպոս, ապա՝ մետրոպոլիտ։
Իլիա II-ը Վրաստանի կաթողիկոս-պատրիարք էր ընտրվել 1977 թվականին։
Այսօր ավելի վաղ Վրաստանի կաթողիկոս-պատրիարքը տեղափոխվել էր Թբիլիսիի «Կովկաս» բժշկական կենտրոնի վերակենդանացման բաժանմունք։
