Օգոստոսի 10-ին ՀՀ ԱԽ քարտուղար Արմեն Գրիգորյանը Հայաստանում Ֆրանսիայի նորանշանակ արտակարգ և լիազոր դեսպան Օլիվիե Դըկոտինյիի հետ քննարկել է Լեռնային Ղարաբաղում ստեղծված և օրեցօր վատթարացող հումանիտար իրավիճակը՝ շեշտելով Լաչինի միջանցքի արգելափակման վերացման անհրաժեշտությունը, տեղեկացնում է ՀՀ ԱԽ մամուլի ծառայությունը։
ԱԽ քարտուղարը շնորհավորել է դեսպանին պաշտոնը ստանձնելու կապակցությամբ և վստահություն հայտնել, որ դեսպանը կնպաստի Հայաստանի և Ֆրանսիայի միջև երկկողմ համագործակցության խորացմանն ու ամրապնդմանը բոլոր ոլորտներում:
Գրիգորյանը կարևորել է Ֆրանսիայի հետ առկա առանձնաշնորհյալ հարաբերությունների հետագա զարգացումը։ Այս համատեքստում, զրուցակիցները քննարկել են երկկողմ հետաքրքրություն ներկայացնող մի շարք ոլորտներում հայ-ֆրանսիական համագործակցության խթանման ու ընդլայնման հետագա հեռանկարները:
Կարդացեք նաև․ ՀՀ պաշտպանության նախարարը Ֆրանսիայի դեսպանի և ռազմական կցորդի հետ քննարկել է համագործակցությունը պաշտպանության ոլորտում։
Կարդացեք նաև․ ՀՀ պաշտպանության նախարարը Ֆրանսիայի դեսպանի և ռազմական կցորդի հետ քննարկել է համագործակցությունը պաշտպանության ոլորտում։
