Միլիարդատեր Իլոն Մասկը որոշել է ժամանակավորապես հետաձգել ԱՄՆ-ում երրորդ քաղաքական կուսակցություն՝ «Ամերիկայի կուսակցություն» ստեղծելու իր գաղափարը, հայտնում է The Wall Street Journal-ը՝ հղում անելով իր աղբյուրներին:
Աղբյուրի տվյալներով՝ Մասկը չեղարկել է հանդիպումը երրորդ կուսակցությունների քարոզարշավների կազմակերպման հարցերով զբաղվող խմբի հետ՝ բացատրելով դա իր բիզնեսի կառավարմանը կենտրոնանալու ցանկությամբ և ազդեցիկ հանրապետականներին հեռացնելու մտավախությամբ: Այս քայլը թույլ է տալիս նրան պահպանել քաղաքական կապերը, մասնավորապես՝ փոխնախագահ Ջեյ Դի Վենսի հետ, ում նա, ըստ աղբյուրների, չի ցանկանում վիրավորել՝ հնարավորինս աջակցելու համար 2028 թվականի ընտրություններում:
Մասկը 2025 թվականի հուլիսի 5-ին հայտարարել էր «Ամերիկայի կուսակցություն» ստեղծելու մասին՝ ներկայացնելով այն որպես ԱՄՆ-ի երկու կուսակցական համակարգից դուրս ելք: Նա հայտարարել էր, որ կուսակցությունը կկենտրոնանա 2-3 սենատի և 8-10 Ներկայացուցիչների պալատի տեղերի վրա՝ հույս ունենալով դառնալ Կոնգրեսում վճռորոշ ձայն:
