ՆԳՆ ոստիկանությունը հայտնել է Կոտայքի մարզի Արամուս գյուղի 61-ամյա բնակչի ձերբակալման մասին, ում իրավապահները կասկածում են ամուսնական զույգի սպանության մեջ։
Ըստ ոստիկանության՝ հոկտեմբերի 12-ին գյուղի մոտակայքում գտնվող դաշտում հայտնաբերվել են Արամուսից ամուսնական զույգի՝ 64-ամյա տղամարդու և 59-ամյա կնոջ դիերը։
Նախնական տեղեկությունների համաձայն՝ կասկածյալը կրակ է բացել իր անունով գրանցված որսորդական հրացանով։ Զենքն առգրավվել է։ Հարուցվել է քրեական գործ, քննությունը շարունակվում է։
Ավելի վաղ հայտնի էր դարձել, որ Արամուսի դաշտում ամուսիններ են սպանվել։
