Բոլորը չէ, որ կարողանում են մարզասրահ այցելելու ժամանակ գտնել, այնուամենայնիվ, կարող եք բարձրացնել ֆիզիկական ակտիվությունը նույնիսկ գրասենյակում՝ առանց գործընկերների ուշադրությունը գրավելու, գրում է Doctorpiter-ը:
Նյարդաբան Մարկ Բեդենկոն ֆիզիկական ակտիվության 10 մեթոդ է խորհուրդ տալիս։
Քայլեք փայտերով
Ըստ նրա՝ սկանդինավյան քայլերը, չնայած ակնհայտ պարզությանը, ծանրաբեռնում են մարմնի մկանների մոտ 80%-ը։ Նրա խոսքով՝ սա բավարար է սրտանոթային համակարգի առողջությունը պահպանելու համար։
Արագ քայլեք
Եթե անհարմար է փայտերով քայլելը, ապա պարզապես արագացրեք քայլը: Սկսեք ավելի ակտիվորեն շարժել ձեր ձեռքերը։
Հրաժարվեք առաքման ծառայություններից
Այո՛, դա հարմար է և ժամանակ է խնայում, բայց արդյունքում՝ մենք մոռանում ենք քայլել։
Հրաժարվեք վերելակից
Բարձրաձեք աստիճաններով։ Սա նույնպես լավ այլընտրանք է սովորական ֆիզիկական գործունեությանը: Ի դեպ, վերջին հետազոտությունները ցույց են տվել, որ օրական ընդամենը հինգ աստիճանահարթակ բարձրանալը 20%-ով նվազեցնում է սիրտ-անոթային հիվանդությունների զարգացման ռիսկը։
Գրասենյակում կատարեք պարզ վարժություններ
Նույնիսկ պարզ և աննկատ շարժումները, կարող են օգտակար լինել առողջությանը։
Գրասենյակում օգտագործեք սպորտային հարմարանքներ
Շատ լավ գաղափար է ունենալ հավասարակշռող օդային բարձ՝ նրբաբլիթի տեսքով։ Ըստ նյարդաբանի՝ եթե այդպիսի բարձը դրվի աշխատանքային աթոռի վրա և օգտագործվի որպես նստատեղ, դա շատ օգտակար կլինի։ Հավասարակշռող բարձը նստելիս անկայունություն է հաղորդում: Մարդն անգիտակցաբար ստիպված է անընդհատ ընտրել հավասարակշռությունը և այդպիսով աշխատում են փոքր մկանները:
Շնչեք որովայնով
Նման շնչառությունը, առաջին հերթին, բարելավում է արյան շրջանառությունը կոնքի հատվածում։ Երկրորդ, այն օգնում է նվազեցնել անհանգստության մակարդակը։
