Նոր նախագծով անհատ ձեռնարկատերերն ապահովագրավճարները կկարողանան վճարել ոչ թե միանգամից, այլ մասերով՝ ամեն ամիս։ Բացի այդ, սահմանվում է վարչական պատասխանատվություն՝ բժշկական ծառայությունների համար օրենքով չնախատեսված վճարներ գանձելու կամ ծառայությունները մերժելու դեպքում։
Կառավարության նիստում ՀՀ առողջապահության նախարար Անահիտ Ավանեսյանը հայտնել է, որ նախաձեռնությունը պայմանավորված է համակարգի ներդրումից հետո քաղաքացիների արձագանքները հաշվի առնելով և առաջին եռամսյակի փորձը վերլուծելով։
Նախարարի ներկայացմամբ՝ համակարգի շրջանակում արդեն գրանցվել է շուրջ 277 479 բուժայց, 105 670 հիվանդանոցային դեպք, իսկ 65+ տարիքային խմբից 221 361 մարդ օգտվել է համակարգից։ Միայն այս խմբի բուժսպասարկման համար պետությունը, նրա խոսքով, ծախսել է 28 մլրդ 438 մլն դրամ։
Նա նաև նշել է, որ 361 թոշակառու ստացել է ավելի քան 4 մլն դրամ արժեքով բուժօգնություն, 89 265 մարդ՝ 2-4 մլն դրամի, իսկ հազարավոր քաղաքացիներ՝ մինչև 1 մլն դրամի ծառայություններ։
Երևանում առցանց տաքսու վարորդները փետրվարի 18-ին բողոքի ակցիա էին անցկացրել, նրանց պահանջներից մեկը համընդհանուր ապահովագրության համակարգում իրենց ներառելն էր։
Ապրիլի 7-ի արտահերթ նիստում Ազգային ժողովն ընդունել է նախագիծը։
Կարդացեք նաև՝
ԱՆ-ն հնարավոր է համարել օնլայն տաքսու վարորդներին վաղաժամ ներառել ապահովագրական համակարգում
Թարմացված է՝ 7.04.2026 | 16:30
