Ամերիկահայ դերասանուհի Անժելա Սարաֆյանը, որը հայտնի է «Արևմտյան աշխարհ» հեռուստասերիալում և «Խոստումը» և «Սուպերմեն» ֆիլմերում իր դերերով, կստանա կարիերայի նվաճման մրցանակ 28-րդ «Արփա» միջազգային կինոփառատոնում։
Կինոփառատոնը կկայանա նոյեմբերի 6-9-ը Լոս Անջելեսի TCL չինական թատրոնում, հաղորդում է huysmedia-ն:
Սարաֆյանը ծնվել է 1983 թվականի հունիսի 30-ին Հայկական ԽՍՀ-ում՝ Երևանում, և չորս տարեկանում ծնողների հետ տեղափոխվել է Միացյալ Նահանգներ, որտեղ սովորել է բալետ և դաշնամուր:
«Արևմտյան աշխարհ» (2016-2022) հեռուստասերիալում Կլեմենտին Փենիֆեզերի դերը նրան լայն ճանաչում է բերել:
«Արփա» կինոփառատոնը Հարավային Կալիֆոռնիայի առաջատար անկախ կինոմիջոցառումներից մեկն է, որը հիմնադրվել է Սիլվիա Մինասյանի կողմից՝ 1997 թվականին։ Այն աջակցվում է «Արփա» կինոյի, երաժշտության և արվեստի հիմնադրամի կողմից և ներկայացնում է միջազգային և սփյուռքի կինոն՝ ստեղծելով հարթակ հայ ծագումով ռեժիսորների և դերասանների, ինչպես նաև նրանց գործընկերների համար ամբողջ աշխարհից:
