Վարչապետ Նիկոլ Փաշինյանի որոշմամբ՝ ԱԳՆ-ում եվրոպական ինտեգրման վարչություն կստեղծվի, համապատասխան որոշումը հրապարակվել է e-gov.am կայքում։
Ըստ որոշման՝ Եվրոպական ինտեգրման վարչությունն ստեղծվելու է Եվրոպայի վարչությունից առանձնացման եղանակով։ Նաև նախատեսվում է քաղաքական ծրագրավորման վարչությունը միացնել դիվանագիտական գործառնությունների համակարգման վարչությանը:
Ազգային ժողովը մարտի 26-ին ամբողջությամբ ընդունել էր ԵՄ-ին ՀՀ անդամակցության մասին օրինագիծը: Փաշինյանն ընդգծել էր, որ նախագիծը չի նշանակում Հայաստանի անհապաղ անդամակցում ԵՄ-ին, և վերջին խոսքը պետք է հայտնեն քաղաքացիները՝ հանրաքվեի միջոցով։ Նույն օրը Կրեմլից նշել էին, որ Հայաստանը չի կարող միաժամանակ լինել և՛ ԵՄ, և՛ ԵԱՏՄ անդամ։
