Իսրայելական բանակը հայտարարել է, որ էսկալացիայից հետո 48 ժամվա ընթացքում մոբիլիզացրել է 300 հազար պահեստազորի, հայտնում է Ռիա Նովոստին։
Իսրայելի պաշտպանության բանակի տվյալներով՝ ժամկետների առումով սա ռեկորդային է։
Հոկտեմբերի 7-ի առավոտյան պաղեստինյան իսլամիստական ՀԱՄԱՍ շարժումը հայտարարել է Իսրայելի դեմ «Ալ-Աքսա ջրհեղեղ» ռազմական գործողության մեկնարկի մասին։ Իսրայելի հարավն ու կենտրոնը Գազայի հատվածից տասնյակ հրթիռներով են գնդակոծվել։ Իսրայելական բանակն ի պատասխան հայտարարել է Գազայի հատվածում «Երկաթե սրեր» հակաահաբեկչական գործողության մեկնարկի մասին։ Իսրայելական կործանիչները հարձակվել են ՀԱՄԱՍ-ի վրա։
