Անթալիայի Դեմրե շրջանում այսօր՝ ժամը 08:48-ին, 4,7 մագնիտուդ ուժգնությամբ երկրաշարժ է տեղի ունեցել, հայտնում են թուրքական լրատվամիջոցները։
Հաղորդվում է, որ 16 կիլոմետր խորությամբ գրանցված երկրաշարժն զգացվել է նաև հարակից նահանգներում։ Այս երկրաշարժից ընդամենը 5 րոպե առաջ նույն տարածաշրջանում արդեն գրանցվել էր 3,5 մագնիտուդով ևս մեկ ցնցում։
Թուրքիայի աղետների և արտակարգ իրավիճակների կառավարման վարչության տվյալներով՝ երկրաշարժի էպիկենտրոնը գտնվել է Միջերկրական ծովում՝ Դեմրեից մոտ 55 կիլոմետր հեռավորության վրա։
