ԱՄՆ նախագահ Դոնալդ Թրամփը հայտարարել է, որ եթե Իրանում խաղաղ ցուցարարների նկատմամբ կիրառվի կրակ և նրանք սպանվեն, Միացյալ Նահանգները կգա նրանց օգնության։
«Մենք պատրաստ ենք և լիովին զինված»,- գրել է Թրամփը Truth Social-ում։
Հայտարարությունը հնչել է, երբ Իրանում տնտեսական ծանր վիճակի դեմ ուղղված վերջին երեք տարվա ամենախոշոր բողոքի ցույցերի ընթացքում մի քանի մարդ է զոհվել, իսկ բախումները տարածվել են մի շարք շրջաններում։
Reuters-ի փոխանցմամբ՝ բողոքներն ուժգնացել էին, երբ կիրակի օրը խանութպաններն սկսել էին ակցիաներ՝ կառավարության կողմից ազգային արժույթի կտրուկ արժեզրկման և գների արագ աճի կառավարման դեմ, ինչից հետո ցույցերը վերածվել էին ցուցարարների և անվտանգության ուժերի բախումների։
