Դիտորդական կազմակերպությունները հայտնել են Վաղարշապատում ավագանու ընտրությունների տեղամասերում արձանագրած ընտրախախտումների մասին, Ներքին գործերի նախարարությունը՝ ստացած ահազանգերի թիվը։
«Թաթոյան» հիմնադրամի դիտորդների արձանագրած խախտումները 10։00-ի դրությամբ
Վստահված անձի՝ առանց անձը հաստատող փաստաթղթի գրանցում 14/37 ընտրատեղամասում:
Մեկ անձի կողմից երկու ընտրողի ուղեկցում 14/37 ընտրատեղամասում:
14/08-ում սարքը չի ճանաչել ընտրողներից մեկի անձնագիրը, մեկ այլ ընտրող քվեախցիկից փորձել է դուրս բերել բոլոր քվեաթերթիկները:
14/41 Թեկնածուի նկարը փակցված է ընտրատեղամասին շատ մոտ, չի պահպանվել 50մ հեռավորության սահմանափակումը:
14/21 Մեկ անձի չի թույլատրվել մասնակցել քվեարկությանը, ենթադրաբար՝ գրանցում չունենալու պատճառաբանությամբ։
14/41 Թեկնածուի նկարը փակցված է ընտրատեղամասին շատ մոտ, չի պահպանվել 50մ հեռավորության սահմանափակումը։
14/38 Քվեաթերթիկների քանակը, ըստ մասնակցող ուժերի, տարբեր է։
«Թաթոյան» հիմնադրամի դիտորդների արձանագրած խախտումները 11։00-ի դրությամբ
14/1 Քվեաթերթիկների քանակը, ըստ մասնակցող ուժերի, տարբեր է։
14/07 Քվեաթերթիկների քանակը, ըստ մասնակցող ուժերի, տարբեր է։
14/07 Սարքի արտահանած կտրոնի թիվը և մատյանի թիվը չեն համապատասխանում, այնուամենայնիվ թույլատրվեց ընտրել։
14/13 Քվեաթերթիկների քանակը, ըստ մասնակցող ուժերի, տարբեր է։ Ըստ հանձնաժողովի անդամի բացատրության՝ առանձին չեն հաշվել յուրաքանչյուր խմբաքանակը։
14/13 Սարքը չի ճանաչել անձը հաստատող փաստաթուղթը, երկու անձի մասով տվյալները վերաբերել են մահացած, ընտրողի հասցեում գրանցված այլ անձանց։
Ներքին գործերի նախարարությունը ժամը 12։00-ի դրությամբ ենթադրյալ իրավախախտումների վերաբերյալ ստացել է 4 ահազանգ, որոնք ստուգման փուլում են։
«Թաթոյան» հիմնադրամի դիտորդների արձանագրած խախտումները 12։00-ի դրությամբ
14/20 Քվեախցիկում մի քանի անձ են մասնակցում քվեարկությանը։ Բոլորի ներկայությամբ բացվել է ծրարը, ինչը չի գրանցվել գրանցամատյանում։
14/2 Կուտակում քվեատուփի մոտ։
14/19 Ընտրությանը մասնակցող կուսակցության ավագանու անդամը ցանկանում էր գրանցվել նաև որպես վստահված անձ։
14/14 Ընտրողը մատյանում ստորագրել է այլ անձի փոխարեն։
14/19 Մեկ ընտանիքի բոլոր անդամներին, ովքեր մշտապես բնակվում են էջմիածնում, արգելեցին մասնակցել ընտրությանը, ենթադրաբար, գրանցման բացակայության պատճառով։
14/19 Դիտորդի՝ տեղամասից դուրս գալու ժամը նշված էր մեկ ժամ շուտ։
«Թաթոյան» հիմնադրամի դիտորդների արձանագրած խախտումները 13։00-ի դրությամբ
«Թաթոյան» հիմնադրամի դիտորդները կոնկրետ թեկնածուի ընտրելու ուղղորդում են արձանագրել ու հայտնել, որ Երևանում գրանցված անձի տվյալները ներառված են Վաղարշապատի ընտրողների ցուցակում։
14/23 Քաղաքացին բողոքել է, որ չնայած նախապես տեղեկացնելուն՝ իրենց բնակության հասցեով չեն ուղարկել քվեարկության շրջիկ արկղ, որ իր ընտանիքի անդամը կարողանա քվեարկել։
Կուտակում 14/14, 14/9, 14/2, 14/46 տեղամասերում։
Կոնկրետ թեկնածուի օգտին ընտրություն կատարելու ուղղորդում 14/13 տեղամասում։
14/9 տեղամասում մեկ ընտրողն օգնում էր մյուս քվեախցիկում ընտրություն իրականացնող անձին, արձանագրվել է նաև բաց քվեարկության դեպք։
14/15 Բաց քվեարկության դեպքի արձանագրում։
14/46 Երկու ընտրող միաժամանակ նույն քվեախցիկում ընտրություն է իրականացրել։
14/20 Մեկ անձ օգնել է մեկից ավելի ընտրողների ընտրություն իրականացնել։
13։35
«Պառլամենտարիզմի զարգացման միջազգային կենտրոնի» ղեկավար Գոհար Մելոյանը տեղեկացրել է, ըստ ահազանգերի՝ Վաղարշապատի որոշ տեղամասային կենտրոններում քաղաքացիներն ահազանգել են, որ իրենց բնակելի հասցեներում անծանոթ մարդիկ են գրանցված։
13։38
«Թաթոյան» հիմնադրամի դիտորդները 14/15 տեղամասում արձանագրել են բաց քվեարկության դեպքեր։
13։45
«ՀայաՔվե»-ից հայտնել են, որ 14/34 տեղամասում քաղաքացու փոխարեն արդեն քվեարկել են։ Արձանագրել են նաև, որ 4/12 տեղամասում ընտրողը նկարահանում է ծրարը, իսկ14/45 տեղամասում բաց քվեարկություն է տեղի ունեցել, ինչպես նաև կուտակումներ՝ 14/47 և 14/04 տեղամասերում։
«Թաթոյան» հիմնադրամի արձանագրած խախտումները 14։00-ի դրությամբ
14/47 Վստահված անձանցից մեկը պարբերաբար լքում է տեղամասը և վերադառնում տեղամաս՝ առանց վկայականի և գրանցվելու։
14/15 Ուղղորդման երկու դեպք։
14/15 Մեկ քվեախցիկում երկու անձի կողմից ընտրության իրականացում։
14/20 Քվեարկության ուղղորդում/բաց քվեարկություն։
14/45 Քվեաթերթիկների քանակը, ըստ մասնակցող ուժերի, տարբեր է։
14/9 Մեկ ընտրողն օգնում է մյուս քվեախցիկում ընտրություն իրականացնող անձին։
15։03
Մելոյանը տեղեկացրել է, որ 14/10, 14/24, 14/30 տեղամասային կենտրոնների անմիջապես հարակից տարածքում փակցված են թեկնածուի գովազդային պաստառներ՝ խախտելով «Ընտրական օրենսգիրք» սահմանադրական օրենքի կարգավորումները։
16։00
Ենթադրյալ իրավախախտումների վերաբերյալ ՆԳՆ-ն ժամը 16։00-ի դրությամբ 5 ահազանգ է ստացել, որոնք ստուգման փուլում են։
«Թաթոյան» հիմնադրամի արձանագրած խախտումները 16։00-ի դրությամբ
14/20 ընտրատեղամասում օգնող անձի միջոցով ընտրության իրականացման կարգի խախտում։ Նույն ընտրատեղամասում երրորդ անձի միջամտություն հանձնաժողովի աշխատանքներին։
14/5 ընտրատեղամասում մահացած անձի տվյալների առկայություն ընտրացուցակում, Վաղարշապատ համայնքում չբնակվող երկու անձի տվյալների առկայություն, փակ քվեարկության ընթացքում մեկ ընտրողի կողմից մյուսի ընտրությանը միջամտություն։
14/10 ընտրատեղամասում այլ անձի փոխարեն քվեաթերթիկը ծրարի մեջ դնել և ապա քվեատուփի մեջ գցել։ Նշված խախտումը չի արձանագրվել հանձնաժողովի կողմից։
«Թաթոյան» հիմնադրամն ամփոփել է Վաղարշապատի ընտրություններում դիտորդական առաքելության նախնական արդյունքները
Քվեարկության ընթացքում շրջիկ դիտորդական խմբերն արձանագրել են մի շարք առերևույթ խախտումներ, որոնք վերաբերել են՝
• Ընտրատեղամասերում ընտրողների ուղղորդմանը։
• Բաց քվեարկություններին։
• Քվեաթերթիկների ոչ հավասարաչափ քանակներին։
• Ինչպես քվեախցերի, այնպես էլ քվեատուփերի մոտ կուտակումներին։
• Քվեարկությանը մասնակցող անձանց կողմից քվեարկության անցկացման կարգի չիմացությանը, ինչի հետևանքով թույլ են տրվել ընտրության կարգի տարբեր խախտումներ, օրինակ՝ չօգտագործած քվեաթերթիկների դուրսբերում քվեախցից, քվեաթերթիկի ոչ ճիշտ տեղադրում ծրարի մեջ և այլն։ Առանձին արձանագրված դեպքերում հանձնաժողովի նախագահներն արձագանքել են և տեղում վերացրել խախտումները։ Որոշ դեպքերում հանձնաժողովի անդամները հրաժարվել են ներառել արձանագրված խախտումը գրանցամատյանում։
• Որոշ ընտրատեղամասերի մոտ եղել են մեծ թվով անձանց կուտակումներ, որոնք չեն պահպանել սահմանված թույլատրելի հեռավորությունը։
Արձանագրվել են նաև դեպքեր, որոնք ինքնին խախտումներ չեն, բայց կարող էին, ընդհանուր առմամբ, ազդել ընտրությունների վրա, օրինակ՝ ընտրատեղամասերից մեկի հոսանքազրկումը, պարբերաբար մեծ խմբերով (8-10 անձ) ընտրատեղամասեր ներկայանալը և այլն։ «Թաթոյան» հիմնադրամի դիտորդները կհետևեն նաև քվեաթերթիկների հաշվարկի գործընթացին։
