Մեղադրող դատախաղը պահանջել է ՀՀ 3-րդ նախագահ Սերժ Սարգսյանից բռնագանձել մոտ 4 միլիարդ դրամ՝ Իսակովի պողոտայում նրա պաշտպանության նախարարի պաշտոնավարման ընթացքում հողամասերի օտարման գործով։ Դատական նիստը հեռարձակվել է Armenia Today-ի YouTube ալիքով։
Մեղադրող կողմը գույքային պահանջ է ներկայացրել նախկին նախագահի և մյուս մեղադրյալների դեմ։ Մեղադրողը խնդրել է նրանց ճանաչել գույքային պատասխանատու։
Գլխավոր դատախազությունը մարտին Սարգսյանին նոր մեղադրանք էր առաջադրել՝ առանձնապես խոշոր չափերով հափշտակության 18 դրվագով, առանձնապես խոշոր չափերով փողերի լվացման 2 դրվագով և դրա իրականացմանը նպաստելու 3 դրվագով։ Քրեական գործերը հարուցվել էին Իսակովի պողոտային և «Եռաբլուր» պանթեոնին հարակից հողամասերի ապօրինի օտարման փաստերով։
Ապրիլի 18-ին Կոռուպցիոն վերաքննիչ դատարանը բավարարել էր դատախազության բողոքը՝ չեղարկելով Առաջին ատյանի ընդհանուր իրավասության դատարանի արդարացման դատական ակտը նախկին նախագահի վերաբերյալ։
