Հայաստանում օգոստոսի 2-ից առանց վարորդական իրավունքի երկրորդ անգամ ավտոմեքենա վարելու համար քաղաքացիները կենթարկվեն քրեական պատասխանատվության, հայտնել են ՀՀ ներքին գործերի նախարարությունից։
Մեկ տարվա ընթացքում առանց վարորդական իրավունքի ավտոմեքենա վարելու համար ՆԳՆ-ն առավելագույն պատիժ է սահմանել մեկ ամիս ժամկետով ազատազրկումը։ Առանց վարորդական իրավունքի ավտոմեքենան երկրորդ անգամ վարելը կարող է պատժվել նաև տուգանքով՝ առավելագույնը տասնհինգապատիկի չափով (75 հազար դրամ) կամ հանրային աշխատանքներով` առավելագույնը 150 ժամ տևողությամբ։
Կրկնակի ավելացրել են նաև առանց վարորդական իրավունքի տրանսպորտային միջոց վարելու առաջին խախտման տուգանքը՝ նախկին 50,000 դրամի փոխարեն այն դարձնելով 25,000 դրամ։
«Առանց վարորդական իրավունք ունենալու մեքենա վարելը ճանապարհային անվտանգության լուրջ սպառնալիք է։ Այս նախաձեռնության հիմքում նաև մեր քաղաքացիների առաջարկություններն են»,- ասված է հաղորդագրությունում։
Armenia Today-ի հարցմանն ի պատասխան՝ ՆԳՆ ոստիկանության պարեկային ծառայությունից հայտնել էին, որ Հայաստանում 2025-ի առաջին 3 ամիսներին՝ հունվարի 1-ից մինչև մարտի 31-ը, 989 ճանապարհատրանսպորտային վթար է գրանցվել, ինչի հետևանքով զոհվել է 61 մարդ։
