ԱՄՆ նախագահ Դոնալդ Թրամփը նախատեսում է հաջորդ շաբաթ անձնական հանդիպում ունենալ իր ռուս գործընկեր Վլադիմիր Պուտինի հետ, իսկ դրանից անմիջապես հետո՝ եռակողմ հանդիպում՝ Ուկրաինայի նախագահ Վլադիմիր Զելենսկու մասնակցությամբ, հայտնել է The New York Times-ը՝ հղում անելով իր աղբյուրներին։
Կայքի աղբյուրի խոսքով՝ Թրամփն իր ծրագրերը բացահայտել է չորեքշաբթի օրը եվրոպացի առաջնորդների հետ հեռախոսազրույցի ժամանակ։
Սպիտակ տան ղեկավարից, ինչպես նաև ԱՄՆ փոխնախագահ և պետքարտուղար Ջեյ Դի Վենսից և Մարկո Ռուբիոյից բացի, զրույցին մասնակցել են Մեծ Բրիտանիայի, Գերմանիայի առաջնորդները, ՆԱՏՕ-ի գլխավոր քարտուղարը և Զելենսկին։ Ենթադրվում է, որ եվրոպացի ներկայացուցիչները հանդիպումներին չեն մասնակցի։
ՌԴ նախագահը օգոստոսի 6-ին Կրեմլում ընդունել էր ԱՄՆ նախագահի հատուկ դեսպանորդ Սթիվ Ուիթքոֆին: Վերջինս բանակցություններն արդյունավետ էր որակել:
