Սևանա լճում հուլիսի 19-ից կորած համարվող քաղաքացիները հայտնաբերվել են, նրանց կյանքին վտանգ չի սպառնում, հայտնել են Ներքին գործերի նախարարության փրկարար ծառայությունից։
«Ժամեր տևած որոնողական աշխատանքի ընթացքում պարզվել է, որ քաղաքացիներն իրենց ռետինե նավակով անվնաս վերադարձել և գտնվում են Ջիլ բնակավայրի ափամերձ հատվածում»,- հավելել են ՆԳՆ-ից։
ՆԳՆ-ից նշել են, որ հուլիսի 19-ին՝ ժամը 16։38-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ էին ստացվել, որ երկու քաղաքացի Սևանա լճում՝ Արտանիշ բնակավայրին հարակից հատվածում նավարկել է ռետինե նավակով և չի վերադարձել։ Որոնողափրկարարական աշխատանքներն իրականացրել էին փրկարար ծառայության և ջրային պարեկային ծառայության մեծաթիվ ուժերով։
