«Քաղաքացիական պայմանագիր» կուսակցությունում արդեն սկսել են սեպտեմբերին կայանալիք վարչության ընտրությունների ինքնառաջադրումները, գրել է «Ժողովուրդ» օրաթերթը՝ հղում անելով իշխանական աղբյուրներին։
Ըստ թերթի՝ իր թեկնածությունն է առաջադրել ՔՊ խմբակցության նախկին անդամ Վիլեն Գաբրիելյանը, ում լիազորությունները դադարեցվել էին ապրիլին՝ Գյումրիի ընտրություններին հաջորդած միջադեպից հետո, ԱԺ խմբակցության կին պատգամավորներ Հասմիկ Հակոբյանը, Հերիքնազ Տիգրանյանը, Ալխաս Ղազարյանը, Արուսյակ Ջուլհակյանը, իսկ Արփի Դավոյանը թիմին հայտնել է, որ չի առաջադրվելու։
ՔՊ վարչության նախորդ ընտրությունները տեղի էին ունեցել 2022 թվականի նոյեմբերի 4-ին։ Հոկտեմբերի 29-ին կայացած ՔՊ 6-րդ համաժողովի ընթացքում տեղի ունեցած վարչության ընտրությունների առնչությամբ ստացված դիմումի հիման վրա իրականացվել էր քվեաթերթիկների վերահաշվարկ: ՔՊ-ն հրապարակել էր վերահաշվարկի արդյունքում ձևավորված վարչության կազմը:
Ավելի վաղ տեղի էր ունեցել ՔՊ 6-րդ համաժողով: Իշխող կուսակցության վարչության անդամների քվեարկությանը մասնակցել էր 1024 անձ:
