Բալթիկ ծովում Ռուսաստանի հետ հնարավոր ռազմական բախման պարագայում ՆԱՏՕ-ի ուժերի Baltops 2025 ռազմածովային զորավարժությունները դաշինքի պատրաստության մի մասն են, ՏԱՍՍ-ին հայտարարել է ՌԴ արտաքին գործերի փոխնախարար Ալեքսանդր Գրուշկոն։
«Գնահատում ենք ՆԱՏՕ-ի ռազմական ակտիվությունը՝ որպես Ռուսաստանի հետ ռազմական բախումներին նախապատրաստվելու մի մաս։ Եթե նայենք այս զորավարժությունների ուղղվածությանը, գաղափարին, ուժերի տեղակայման կառուցվածքին, ուժերին և դրանց որակին, ինչպես նաև այն խնդիրներին, որոնք սահմանվում են, ապա պարզ է՝ խոսքը համարժեք հակառակորդի դեմ պայքարի մասին է։ Իսկ դա նշանակում է՝ Ռուսաստանի դեմ։ Խոսքը գերակշռություն ապահովելու մասին է բոլոր օպերացիոն միջավայրերում՝ ցամաքում, ջրում, օդում։ Իհարկե, նման զորավարժությունները ծայրահեղ սադրիչ բնույթ ունեն»,- նշել է փոխնախարարը։
ՆԱՏՕ-ի ուժերի Baltops 2025 ծովային զորավարժությունները մեկնարկել են հունիսի 3-ին։ Դրանք անցկացվում են Բալթիկ ծովում ամեն տարի՝ 1972 թվականից ի վեր։
Ռուսաստանի ռազմածովային նավատորմի մամուլի ծառայությունը մայիսի 27-ին հայտնել էր, որ Բալթիական նավատորմն սկսել է բազավորման կետերի պաշտպանության ուսումնավարժություններ։
