ԱՄՆ-ն դադարեցնում է Սիրիայի դեմ պատժամիջոցների կիրառումը, հայտարարել է ԱՄՆ նախագահ Դոնալդ Թրամփը ՝ ելույթ ունենալով Էր Ռիադում, փոխանցում է Reuters-ը։
Նրա խոսքով՝ պատժամիջոցների չեղարկումը նպատակ ունի արաբական այդ հանրապետությանը խաղաղության հնարավորություն տալ։
Թրամփն ասել է, որ նման որոշում է կայացրել Սաուդյան Արաբիայի թագաժառանգ Մուհամեդ բեն Սալմանի և Թուրքիայի նախագահ Ռեջեփ Թայիփ Էրդողանի հետ բանակցություններից հետո: Ըստ ԱՄՆ նախագահի՝ դա կարևոր փոփոխություն կլինի ԱՄՆ քաղաքականության մեջ՝ Սիրիայի նախագահ Ահմեդ Ալ-Շարաայի հետ սպասվող հանդիպումից առաջ:
Հունվարին ԱՄՆ ֆինանսների նախարարությունը չեղարկել էր Սիրիայի հետ ֆինանսական գործարքներ կնքելու պատժամիջոցները։ Թույլտվությունը կապված էր Սիրիայում նոր իշխանությունների հաստատման հետ և վերաբերում էր արաբական հանրապետությունում 2024 թվականի դեկտեմբերի 8-ից հետո կատարված ու նախատեսվող գործարքներին։
