Գերմանիայի կանցլերի թեկնածու, Քրիստոնեա-դեմոկրատական միության (ՔԴՄ) առաջնորդ Ֆրիդրիխ Մերցը հրաժարվել է մասնակցել մայիսի 6-ին կայանալիք ընտրությունների երկրորդ փուլին, հայտնում է գերմանական Der Spiegel հրատարակությունը։
«Այսօր կանցլերի ընտրության երկրորդ քվեարկություն չի լինի։ Եթե խորհրդարանական խմբերը համաձայնության գան, քվեարկության երկրորդ փուլը կարող է տեղի ունենալ չորեքշաբթի օրը»,- ասվում է հայտարարության մեջ։
Ավելի վաղ հաղորդվել էր, որ առաջին փուլում Մերցը չի կարողացել ապահովել անհրաժեշտ ձայների մեծամասնությունը. նրա օգտին քվեարկել էր 310 պատգամավոր, դեմ՝ 307-ը, իսկ 3-ը՝ ձեռնպահ։ Կանցլեր ընտրվելու համար անհրաժեշտ 316 ձայնից նրան պակասել է առնվազն 6 ձայն։
2024 թվականի դեկտեմբերին Բունդեսթագն անվստահություն էր հայտնել կանցլեր Շոլցի կառավարությանը։ Գործող կառավարությունը Բունդեսթագում կորցրել էր մեծամասնությունն իշխող «Ազատ դեմոկրատական կուսակցության» (FDP) կոալիցիայից դուրս գալուց հետո։
