Հայաստանի ֆուտբոլի ազգային հավաքականի նախկին ավագ, «Ինտերի» կիսապաշտպան Հենրիխ Մխիթարյանը համեմատել է իր ելույթները ազգային հավաքականի և ակումբի կազմում, գրում է Sportball24.com-ը։
Ֆուտբոլիստը շեշտել է, որ չորս տարի չի խաղացել Հայաստանի ազգային հավաքականի կազմում, սակայն, երբ տարբեր մրցաշարերում պաշտպանում է երկրի պատիվը, «միշտ զգում էի հաղթելու ձգտումը, կիրքը և ցանկությունը, քանի որ հաղթանակը շատ բան է նշանակում Հայաստանի համար»։
Ակումբն, իր հերթին, ունի բազմաթիվ օտարերկրյա խաղացողներ, որոնք փորձում են ներկայացնել իրենց երկիրը լավագույն լույսի ներքո։
«Ես նրանցից մեկն էի, ես նույնն արեցի, և ուրախ եմ, որ Հայաստանի ներկայացուցիչն էի Անգլիայում, Իտալիայում, Գերմանիայում, Ուկրաինայում, ամենուր, որտեղ խաղացել եմ», – Մխիթարյանի խոսքերն է մեջբերում հրատարակությունը։
2022 թվականի մարտի 3-ին Մխիթարյանը հայտարարել էր Հայաստանի հավաքականում կարիերան ավարտելու մասին։ 2023 թվականի դեկտեմբերին նա պաշտպանել էր Արաս Օսբիլիսի թեկնածությունը Հայաստանի ֆուտբոլի ֆեդերացիայի ղեկավարի պաշտոնում՝ հակադրվելով ՀՖՖ ներկայիս նախագահ Արմեն Մելիքբեկյանին։ Փետրվարի 4-ին Մխիթարյանը հայտարարել էր, որ «կգա մի օր, երբ բոլորը կիմանան ճշմարտությունը» Հայաստանի ֆուտբոլի ֆեդերացիայի հետ իր հարաբերությունների և ազգային հավաքականից հեռանալու պատճառների մասին։
Հունվարին Մխիթարյանը ճանաչվել էր 2024 թվականին ՀՀ լավագույնս հանրահռչակած մարզիկ։
