Պահը կգա, օրը կգա և բոլորն էլ կիմանան ճշմարտությունը ազգային հավաքականից հեռանալու պատճառների մասին, «Ազատությանը»-ը հայտնել է Հայաստանի ազգայի հավաքանի նախկին ավագ, Միլանի «Ինտերի» կիսապաշտպան Հենրիխ Մխիթարյանը։
«Կարող եմ ասել, որ ես կայացրել եմ այդ որոշումն իմ զգացմունքներից ելնելով, ոչ մեկ ինձ չի ստիպել, ուղղակի այդ պահին այդպես եմ որոշել և այս պահին որոշումս փոխելու մտադրություն չունեմ»,- շեշտել է ֆուտբոլիստը։
2022 թվականի մարտին Մխիթարյանը հայտնել էր հավաքականում իր ելույթներն ավարտելու մասին:
Խոսելով հավաքականի խնդիրների մասին, նա նշել է, որ 3 տարուց ավելի է, ինչ հավաքականում չի խաղում և ծանթ չէ ներքին խոհանոցին։
«Չգիտեմ ինչ է տեղի ունենում, ինչն է պատճառը, միայն հաջողություններ կարող եմ մաղթել տղաներին, թող անեն առավելագույնը, որպեսզի դուրս գան այս իրավիճակից։ Իհարկե հեշտ չէ, բայց առաջին անգամը չէ, որ այս իրավիճակում ենք։ Պետք է աշխատել, փորձել հավատալ ուժերին և գնալ առաջ»,- հավելել է Մխիթարյանը։
Փետրվարի 1-ին Մխիթարյանը չէր բացառել վերադարձը Հայաստանի առաջնություն։ Մխիթարյանը ճանաչվել էր 2024 թվականի ՀՀ լավագույնս հանրահռչակած մարզիկ։
