Իրավապաշտպան Ժաննա Ալեքսանյանը ֆեյսբուքյան գրառմամբ տեղեկացրել է, որ ահազանգ է ստացել «Նուբարաշեն» քրեակատարողական հիմնարկից, ըստ որի՝ 5-րդ հարկում ցմահ դատապարտյալների ջարդ է կազմակերպվել։ Նա չի նշել միջադեպի հեղինակներին։
«Ինձ ասել են, որ դատապարտյալներն արյունլվա ընկած են և որևէ բուժօգնություն չի ցուցաբերվում։ Հարցնում էին՝ ի՞նչ ենք արել, ինչի՞ համար։ Սա ի՞նչ ջարդ է։ Ո՞ւմ հրահանգով են ջարդում այդ մարկանց»,- գրել է նա։
Տեղեկությանն արձագանքել է Մարդու իրավունքների պաշտպանը՝ նշելով, որ «Նուբարաշեն» է մեկնել արագ արձագանքման խումբ՝ տեղում բարձրացված խնդիրների մանրամասներին ծանոթանալու համար։
Գրասենյակից նշել են, որ սոցիալական ցանցերի և զանգվածային լրատվության միջոցների մշտադիտարկման արդյունքում ստացվել է նաև տեղեկություն, որ դատապարտյալներին որևէ բուժօգնություն չի ցուցաբերվում։
