Ռուսաստանի դեմ ԵՄ պատժամիջոցների 16-րդ փաթեթի շրջանակներում սահմանափակումներ են կիրառվել հայազգի ռուսաստանյան դերասան, կատակերգու Միխայիլ Գալուստյանի և գործարար, Yota ընկերության հիմնադիր Ալբերտ Ավդոլյանի նկատմամբ։
Միխայիլ Գալուստյանը հայտնի ռուս կատակերգու, պրոդյուսեր և հեռուստահաղորդավար է։ Իրական անունը՝ Նշան Սերգեյի Գալուստյան։
Ծնվել է 1979 թվականի հոկտեմբերի 25-ին Սոչիում՝ հայ ընտանիքում։ Նա լայն համբավ ձեռք բերեց КВН-ում իր մասնակցության շնորհիվ, որտեղ նա ներկայացնում էր «Утомлённые солнцем» թիմը:
Հետագայում նա դարձավ ТНТ-ի «Наша Russia» շոուի գլխավոր աստղերից մեկը։ Ալբերտ Ավդոլյանը ռուս ձեռներեց և միլիարդատեր է, մի քանի տեխնոլոգիական և հեռահաղորդակցության ընկերությունների հիմնադիր։ Ծնվել է 1970 թվականի սեպտեմբերի 8-ին Տաշքենդում։
Ավդոլյանը հայտնի դարձավ որպես հեռահաղորդակցության ոլորտում հաջողակ ներդրող, նաև էներգետիկայի և ՏՏ ոլորտում նախագծերի միջոցով։
ՌԴ Նախագահի Ազգային տնտեսության և պետական կառավարման ակադեմիան նույնպես պատժամիջոցների է ենթարկվել Ուկրաինայում հատուկ գործողության մասնակիցների համար «Հերոսների ժամանակը» ծրագրի իրականացման համար։
Իրավաբանական անձանց ցանկում են նաև Սևծովյան զարգացման և վերակառուցման բանկը և Garantex կրիպտոարժույթի բորսան։
Եվրամիությունը Ռուսաստանի դեմ պատժամիջոցների 16-րդ փաթեթը հաստատել է 2025 թվականի փետրվարի 24-ին։ Ընդհանուր առմամբ պատժամիջոցների ցուցակում ընդգրկվել է 48 ֆիզիկական անձ և 35 կազմակերպություն։
