ԱՄՆ պետդեպարտամենտի տասնյակ աշխատակիցներ հունվարի 20-ին ստիպված են հրաժարական տալ ԱՄՆ ընտրված նախագահ Դոնալդ Թրամփի թիմի պահանջով, գրում է Washington post-ը՝ վկայակոչելով ամերիկացի պաշտոնյաների:
Թերթն ընդգծել է, որ պաշտոնանկությունները կոչված են ցույց տալու Թրամփի թիմի «վճռական խզումն» ԱՄՆ հեռացող նախագահ Ջո Բայդենի վարչակազմի հետ:
«Հունվարի 20-ին նախատեսված երդմնակալության արարողությունից հետո Թրամփը պատրաստվում է տասնյակ բարձրաստիճան դիվանագետների հեռացնել Պետդեպարտամենտից։ Նա համապատասխան ցուցումներ է տվել իր օգնականներին»,- ասված է հրատարակության նյութում:
Հունվարի 19-ին 5000 ցուցարար ԱՄՆ-ում ցույց էր անցկացրել՝ բոյկոտելով Թրամփի՝ հունվարի 20-ին նախատեսված երդմնակալության արարողությունը։
2024 թվականի նոյեմբերի 6-ին ԱՄՆ նախկին նախագահ և նախագահի հանրապետական թեկնածու Թրամփը հայտարարել էր ԱՄՆ նախագահական ընտրություններում իր հաղթանակի մասին։
