Հայաստանի առաջին վարչապետ, Ազգային ժողովրդավարական միություն (ԱԺՄ) կուսակցության նախագահ Վազգեն Մանուկյանն անիմաստ է անվանել ընդդիմության դիմումը Սահմանադրական դատարան խորհրդարանական ընտրությունների արդյունքները վիճարկելու համար։ Այս մասին ասվում է նրա հայտարարության մեջ։
Մանուկյանի խոսքով՝ Սահմանադրական դատարանի որոշումը ստեղծված իրավիճակում «կանխորոշված» է, և վերանայման արդյունքը կլինի դատական որոշում, որը օրինականացնում է անցյալ ընտրությունները և ստեղծում լրացուցիչ խնդիրներ ապագայում։
Մանուկյանը շեշտել է որ հունիսի 7-ին անցկացված ընտրությունների ըմթացքում իշխանությունները չհարողանալով պահպանել իրենց ազդեցությունը քվեարկության միջոցով, դիմել են լայնածավալ բռնաճնշումների, կալանավորումների և այլ անօրինական գործողությունների։
Մանուկյանի գնահատականով, կառավարության աջակցության մակարդակը չի գերազանցում 35-37%-ը։ Հունիսի 7-ին անցկացված ընտրությունների վերջնական արդյունքներով 18 քաղաքական ուժերից ԱԺ է անցել «Քաղաքացիական պայմանագիրը» (64 մանդատ)։
Քաղաքական գործիչը նաև քննադատել է ընդդիմության գործողությունները՝ պնդելով, որ նրանք ընտրություններին մոտեցել են որպես «կանոնավոր ընտրական գործընթաց», չնայած, նրա կարծիքով, քվեարկությունը ռազմավարական նշանակություն ուներ Հայաստանի համար։
Նա նաև դատապարտել է ընդդիմությանը քվեարկությունը վերահսկելու և համատեղ գործողություններ մշակելու համար միասնական ճակատ չստեղծելու համար։
Մանուկյանի կարծիքով՝ ընդդիմության առաջնորդները պետք է արձագանքեին վարչապետ Նիկոլ Փաշինյանի հաղթանակի մասին հայտարարությունից անմիջապես հետո՝ ընտրությունների գիշերը, որը կարող էր ազդել հետագա զարգացումների վրա, սակայն փոխարենը նրանք շփոթված էին և ժամանակ կորցրեցին։
ԱԺՄ նախագահն ընդգծել է, որ ընտրությունների արդյունքները, ցույց տվեցին, որ հայերի մեծամասնությունը համաձայն չէ Փաշինյանի քաղաքականության հետ, և որ նրա հակառակորդների թվում կան հարյուր հազարավոր մարդիկ, որոնք պատրաստ են պայքարել իրենց գաղափարների համար։
Կուսակցությունը նաև թվարկել է ազգային առաջնահերթությունների իր տեսլականը, այդ թվում՝ հայ գերիների ազատ արձակումը ադրբեջանական բանտերից, արցախահայերի՝ հայրենիք վերադարձի ապահովումը, սահմանադրական փոփոխությունների և հանրաքվեի կանխումը, որոնք կուսակցության կարծիքով պարտադրվում են դրսից, քաղբանտարկյալների ազատ արձակումը և Հայաստանի՝ Արևմուտքի և Ռուսաստանի միջև բախման ասպարեզ դառնալու կանխումը։
«Ուժեղ Հայաստան» դաշինքը այսօր՝ հունիսի 19-ին, դիմում էր ներկայացրել Սահմանադրական դատարան՝ պահանջելով կա՛մ անվավեր ճանաչել Ազգային ժողովի ընտրությունների արդյունքները, կա՛մ նշանակել ընտրությունների 2-րդ փուլ։ Ընտրությունների արդյունքներն անվավեր ճանաչելու պահանջով պատրաստվում են ՍԴ դիմել նաև «Միասնության թևեր» կուսակցությունը։
Եվս 3 ուժ հայտնել էր, որ կդիմի ՍԴ՝ վիճարկելու ընդրությունների արդյունքները։
«Հայաստան» դաշինքը հունիսի 9-ին հայտարարել էր, որ վերջնական արդյունքների հրապարակումից հետո ծանրակշիռ փաստերով կդիմի ՍԴ։ «Բարգավաճ Հայաստան» կուսակցությունը երեկ՝ հունիսի 18-ին, հայտնել էր, որ դիմելու է ՍԴ՝ պահանջելով վերաքվեարկություն անցկացնել Կենտրոնական ընտրական հանձնաժողովի (ԿԸՀ) կողմից անվավեր ճանաչված 3 ընտրատեղամում։ Հունիսի 15-ին «Դեմոկրատիա, օրենք և կարգապահություն» (ԴՕԿ) կուսակցությունը ՍԴ-ում հայտնել էր Ազգային ժողովի ընտրությունների արդյունքները վիճարկելու մտադրության մասին՝ պնդելով, որ ընտրախախտումներն էական ազդեցություն են ունեցել ընտրողների իրական կամարտահայտության վրա։
