Ոստիկանները պարզել են Աջափնյակում տեղի ունեցած միջադեպի մասնակից անձանց շրջանակը, հայտնում է ՆԳՆ մամուլի ծառայությունը։
ՆԳՆ-ից մանրամասնել են, որ դեպքի մասին ահազանգն ստացվել է ժամը 15։00-ի սահմաններում։ Միջադեպի հետևանքով դանակահարված և հրազենային վնասվածքներով անձինք են տեղափոխվել բժշկական կենտրոններ։ Նրանցից մեկը՝ 45-ամյա Ա․ Վ․-ն, հիվանդանոցում մահացել է։
Ըստ գերատեսչության՝ անհետաձգելի օպերատիվ-հետախուզական միջոցառումների արդյունքում պարզվել է դեպքի մասնակից անձանց ամբողջ շրջանակը․ ձեռնարկվում են միջոցառումներ՝ նրանց հայտնաբերելու ուղղությամբ։
Այսօր ավելի վաղ հայտնել էինք, որ Երևանի Աջափնյակ համայնքի Աբելյան փողոցում կրակոցներ էին հնչել։ Ըստ Առողջապահության նախարարության՝ հիվանդանոց էր տեղափոխվել 7 քաղաքացի, մեկ անձ մահացել էր, երեքի առողջական վիճակը գնահատվում է ծայրահեղ ծանր, երեքինը` ծանր:
