Հայաստանի ֆուտբոլի ֆեդերացիան դիմել է ՈւԵՖԱ-ին՝ ի պատասխան Ուկրաինայի ֆուտբոլի ֆեդերացիայի գրության: ՀՖՖ-ն հայտնել է, որ ՈւԵՖԱ-ին ներկայացրել է ֆուտզալի Եվրոպայի առաջնության Հայաստան-Ուկրաինա հանդիպումից առաջ և ընթացքում տեղի ունեցածը:
ՀՖՖ-ն ներկայացրել է դիտարկումներ, ըստ որոնց ուկրաինական կողմի բողոքի պնդումներն անհիմն են, նշված է հաղորդագրության մեջ:
Ուկրաինայի ֆուտբոլի ասոցիացիան պաշտոնապես դիմել էր ՈւԵՖԱ-ի Վերահսկիչ, էթիկայի և կարգապահական մարմնին՝ կապված ֆուտզալի «Եվրո-2026»-ի եզրափակիչ փուլի Հայաստան-Ուկրաինա հանդիպման հետ: Ուկրաինայի դժգոհության առիթը Հայաստանի հավաքականի և ռուսական «Տյումենի» ֆուտզալիստ Դենիս Նևեդրովին է առնչվում: Բողոքում նշվում է, որ նա եզրափակիչ սուլիչից հետո վիրավորանքներ է հնչեցրել մրցակից թիմին, ինչպես նաև Instagram-ում վիրավորական էմոջիներ է տեղադրել։
MatchTV-ն, հղում անելով աղբյուրին, գրում է, որ Նևեդրովը խաղից հետո վիրավորանքներ չի հնչեցրել, ուկրաինական թիմի խաղացողներն ամբողջ հանդիպման ընթացքում իրենք են սադրել մրցակցին, իսկ խաղից առաջ հրաժարվել են ավադական ձեռքսեղմումից:
Լիտվայում հունվարի 22-ին կայացած խաղում Հայաստանի հավաքականը 2։1 հաշվով հաղթանակ էր տարել 2024թ․ աշխարհի առաջնության բրոնզե մեդալակրի նկատմամբ։
