24 երկրների շուրջ 400 միլիոնատերեր և միլիարդատերեր կոչ են անում համաշխարհային առաջնորդներին բարձրացնել հարկերը գերհարուստների համար՝ ամենահարուստ մարդկանց՝ քաղաքական ազդեցություն ձեռք բերելու աճող անհանգստության ֆոնին, հայտնում է The guardian-ը:
Դավոսի տնտեսական ֆորումին ընդառաջ՝ հրապարակված բաց նամակում կոչ է արվում համաշխարհային առաջնորդներին, ովքեր ներկա են այս շաբաթվա համաժողովին, կրճատել գերհարուստների և մյուսների միջև աճող անջրպետը:
Նամակում, որն ստորագրել են հայտնի մարդիկ, այդ թվում՝ դերասան և կինոռեժիսոր Մարկ Ռուֆալոն, երաժիշտ Բրայան Էնոն և կինոպրոդյուսեր և բարերար Աբիգեյլ Դիսնեյը, ասվում է, որ ավելորդ հարստությունն աղտոտում է քաղաքականությունը, հանգեցնում սոցիալական մեկուսացման և սրում կլիմայական իրավիճակը:
«Հսկայական հարստություն ունեցող մի խումբ օլիգարխներ գնել են մեր ժողովրդավարությունը, գրավել մեր կառավարությունները, փակել մեր լրատվամիջոցների ազատությունը, խեղդել տեխնոլոգիան և նորարարությունը, խորացրել աղքատությունն ու սոցիալական մեկուսացումը և արագացրել մեր մոլորակի ոչնչացումը»,- ասվում է նամակում:
Forbes-ի տվյալներով՝ ԱՄՆ նախագահ Դոնալդ Թրամփը 2025-ին հավաքել է ԱՄՆ պատմության մեջ ամենահարուստ նախարարների կաբինետը՝ 7,5 մլրդ դոլար կարողությամբ:
Միլիոնատերերի հայրենասիրական խմբի կողմից անցկացված հարցումը, որը պաշտպանում է գերհարուստների համար հարկերի բարձրացումը, ցույց է տվել, որ G20-ի միլիոնատերերի 77% -ը կարծում է, որ ծայրահեղ հարուստները գնում են քաղաքական ազդեցություն:
