Թուրքիայի նախագահ Ռեջեփ Թայիփ Էրդողանը հայտարարել է, որ հաջորդ տարվա սկզբից Երևանն ու Բաքուն կարող են «մի քանի խորհրդանշական քայլեր» ձեռնարկել երկու երկրների միջև խաղաղության համաձայնագրի ճանապարհին: Այս մասին հայտնում են թուրքական լրատվամիջոցները։
Թուրքիայի ղեկավարի խոսքով՝ Հարավային Կովկասը պատմական ժամանակաշրջան է ապրում, իսկ Բաքուն և Երևանը գտնվում են խաղաղ համաձայնագրի ստորագրմանն աննախադեպ մոտ հեռավորության վրա: Նա նշել է, որ Ադրբեջանի հետ երկխոսության մեջ Անկարան նաև առաջ է տանում Հայաստանի հետ հարաբերությունների կարգավորման գործընթացը:
Բաքուն դեկտեմբերի 4-ին հայտարարել էր 2026 թվականին Երևանի հետ խաղաղության պայմանագիր կնքելու մտադրության մասին: Ադրբեջանի իշխանությունները բազմիցս հայտարարել են, որ վերջնական խաղաղության պայմանագրի ստորագրման նախապայման պետք է լինի Հայաստանի սահմանադրության փոփոխությունը և դրանից երկրի Անկախության հռչակագրին հղման հեռացնելը:
