Վերաքննիչ դատարանը մերժել է «Տաշիր» ընկերությունների խմբի նախագահ Սամվել Կարապետյանի կալանքի ժամկետը երկու ամսով երկարաձգելու որոշման դեմ պաշտպանական կողմի բողոքը, հայտնում են փաստաբանները:
Հայտարարության մեջ ընդգծվում է, որ Կարապետյանի կալանքը երկարաձգելու վերաբերյալ Հակակոռուպցիոն դատարանի նոյեմբերի 18-ի որոշումն անհիմն էր, և դրան նախորդել էր իշխանամետ «Հայկական ժամանակ»-ում կալանքի ժամկետը երկարաձգելու մասին հրապարակումը:
Ըստ փաստաբանների՝ առաջին ատյանի դատարանը որոշում կայացնելիս վկայակոչել է միայն «քննությանը խոչընդոտելու» ռիսկը, իսկ Վերաքննիչ ատյանը, համաձայնելով այդ որոշման հետ, պաշտպանական կողմի կարծիքով, անտեսել է երեք փաստ՝ մեղադրանքի նվազագույն հիմնավորվածության բացակայությունը, Կարապետյանին վեցամսյա կալանքի տակ պահելը և այլընտրանքային խափանման միջոցների կիրառման հնարավորությունը:
Փաստաբաններն ընդգծել են, որ դատարանի կողմից այդ փաստարկները քննելուց հրաժարվելը վկայում է այն մասին, որ Կարապետյանի դեպքում դատարաններում իրավական համակարգը չի գործում, արդարադատություն չի իրականացվում, և տեղի է ունենում քաղաքական հետապնդում:
Հունիսին Կարապետյանին կալանավորել էին եկեղեցու դեմ արշավը քննադատելուց հետո։ Դատարանն օգոստոսի 15-ից սկսած արդեն մի քանի անգամ երկարացրել է բարերարի կալանքը։ Նոյեմբերի 13-ին ՔԿ-ն Կարապետյանի կալանքը 2 ամսով երկարաձգելու միջնորդություն էր ներկայացրել, որը բավարարվել էր:
Կարդացեք նաև՝
«Պայքար՝ մեր ձևով». Երևանում հավաք ու երթ է անցկացվել՝ ի աջակցություն Սամվել Կարապետյանի
Ինչո՞ւ են Սամվել Կարապետյանին կալանավորել. եկեղեցի, քաղաքականություն, ներդրումային ռիսկեր
«Չուլանացված» եկեղեցիներից մինչև կաթողիկոսի փոփոխության կոչ․ ի՞նչ օրակարգ է փորձում պարտադրել Փաշինյանը
«Իրավական ամենաթողություն է»․ Սամվել Կարապետյանի փաստաբանները կբողոքարկեն կալանքը երկարաձգելու որոշումը
«Լսել մարդկանց և կիսել գաղափարները»․ կայացավ Սամվել Կարապետյանի «Մեր ձևով» շարժման շնորհանդեսը
