Իրանի և ԱՄՆ-ի միջև սպասվող բանակցությունների վերաբերյալ հայտարարություններն իրականությանը չեն համապատասխանում. այս մասին հայտնել է իրանական «Fars» լրատվական գործակալությունը՝ վկայակոչելով իրանական բանակցային խմբին մոտ կանգնած աղբյուրին, հայտնել է ՌԻԱ Նովոստին։
Ավելի վաղ Axios լրատվական գործակալությունը՝ հղում անելով իր աղբյուրին, հայտնել էր, որ ԱՄՆ-ի և Իրանի միջև բանակցությունների հերթական փուլը կարող է տեղի ունենալ արդեն հաջորդ շաբաթ, իսկ որպես հնարավոր վայր դիտարկվում է Շվեյցարիան։
«Այդ տեղեկությունը սխալ է և լիովին անհիմն», - իրանական գործակալությանը հայտնել է աղբյուրը։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանը խնդրել է Վաշինգտոնին շարունակել բանակցությունները։ ԱՄՆ և Իրանի միջև բանակցությունների ֆոնին Իրանի դեմ ԱՄՆ-ի նոր հարվածներից հետո հուլիսի 8-ի առավոտյան ԻՀՊԿ-ն հարվածել էր Բահրեյնում և Քուվեյթում ԱՄՆ ռազմական օբյեկտներին։ ԱՄՆ նախագահ Դոնալդ Թրամփն Անկարայում՝ ՆԱՏՕ-ի գագաթնաժողովից առաջ, հայտարարել էր, որ չի ցանկանում բանակցել Իրանի հետ։ Ըստ ԶԼՄ-ների՝ բանակցություններից դուրս գալու մասին հայտնել էր նաև իրանական կողմը։
