ՌԴ նախագահի հատուկ ներկայացուցիչ Կիրիլ Դմիտրիևը Փարիզում հանդիպում է ունեցել ԱՄՆ նախագահ Դոնալդ Թրամփի խորհրդականներ Սթիվ Ուիթքոֆի և Ջարեդ Քուշների հետ, որպեսզի քննարկի Ուկրաինայի վերաբերյալ ծրագիրը, հայտնում է Axios պորտալը՝ հղում անելով իր աղբյուրին:
Սպիտակ տունը և Դմիտրիևի մամուլի քարտուղարը հրաժարվել են մեկնաբանել այս թեման:
Պորտալը նաև հայտնում է, որ, ըստ ուկրաինացի պաշտոնյաների, Ուկրաինայի նախագահ Վլադիմիր Զելենսկին կարող է հաջորդ շաբաթ մեկնել ԱՄՆ՝ Թրամփի հետ քննարկելու անվտանգության երաշխիքները:
Փարիզում հունվարի 6-ին կայացել էր «կամեցողների կոալիցիայի» ներկայացուցիչների հանդիպումը։ Դրա արդյունքներին նվիրված մամուլի ասուլիսում Ուիթքոֆը հայտարարել էր, որ ԱՄՆ-ն կարծում է, որ Ուկրաինայի անվտանգության ապագա երաշխիքների արձանագրությունների հետ կապված աշխատանքը հիմնականում ավարտվել է:
