Հունիսի 16-ին Հայաստան կժամանի Եվրոպայի խորհրդի պատվիրակությունը՝ կառույցի գլխավոր քարտուղար Մարիա Պեյչինովիչ-Բուրիչի գլխավորությամբ։ Այս մասին ասված է կառավարության հաղորդագրության մեջ։
Ինչպես նշվում է հաղորդագրության մեջ, ԵԽ գլխավոր քարտուղարը երկօրյա այցով ժամանում է Երևան։ ՀՀ վարչապետ Նիկոլ Փաշինյանը համապատասխան հանձնարարականներ է տվել նախարարությունների և գերատեսչությունների ղեկավարներին՝ կազմակերպել պատվիրակության անդամների ընդունելությունը։ Առաջիկա հանդիպումների օրակարգի մասին ոչինչ չի հայտարարվել։
